Ziur gaude bakoitza bere familiarekin denbora hau gozatzen ari zaretela, ezta?. Ba gaur horri buruz hitz egingo dugu: familia.
Baina lehenengo eta behin, denok ezberdinak garala gogoratuko dugu, eta hori ez da txarra, kontrakoa, oso aberasgarria da!.
Guk ezberdina zen elefante baten istorioa ezagutzen dugu, entzun nahi duzue?. Elmer zuen izena…
Gustatu zaizue Elemerren ipuina?
Ba gure moduan, gure inguruan familia eredu ezberdinak ditugu eta danak maitekorrak. Begira begira, ipuin honetan kontatzen digutena!.
Mila kolore! Hau da gure gaurko izenburua, bai!.
Gorria, urdina, berdea,… zein da zure gustukoena?, ez zaude ziur?, ba hurrengo abestia entzun, dantzatu eta aukeratu!!!.
Ikastolan ere abesten genuen, gogoratzen duzue?.
Egun hauetan euri eta euri izan dugu…. zein aspergarri, kolore gabeko euria!. Goazen aldatzera!. Animatzen zarete?.
Ba hemen daukagu proposamen bat: “Koloretako euria”.
Jarduera hau egiteko, ontzi garden bat urez bete, lainoak egiteko, bizarra mozteko aparra erabili eta kolorantearekin, euri-tantak egin!. Begira ze polita ikusten den euria, lainoen azpian!.
Tximeletak ere ikusiko zenituzten zuen paseotxoetan, ezta?, lorez-lore dabiltza urteko sasoi honetan. Egingo ditugu gure tximeletak?, ba… hemen duzue hurrengo proposamena!.
Sukaldeko papera hartu, margotu zuek nahi duzuen moduan, guk errotulatzaileekin egin ditugu gureak (sukaldeko paperak puntutxuz osatutako marrazki propioak izaten ditu gehienetan, hauek ere jarrai ditzakezue).
Ondoren, “gotero” batekin ura tantaz tanta bota, ikusiko duzue nola zabaltzen diren koloreak… (teknika honekin, motrizitate fina ere lantzen gaude).
Azkenik, lehortzen utzi eta hurrengo argazkietan ikusten den moduan, tximeletaren gorputza egin (arropen pintzak ere erabil ditzakezue gorputza egiteko).
Eta orain… beste musika mota bat entzuteko prest?. Vivaldiren Udaberria entzungo dugu!, baina urtaro honek dituen berezitasunak deskribatzen digun ahotsari ere adi egongo gara!.
Polita izan da, ezta?
Eta orain, amaitzeko, beti bezala lagunak egindako gauzak ikusiko ditugu, zelako artista tximistak!! Txalo bero bat!!
Euki ditugun eguraldi ederrekin, uda usaintxoa heldu zaigu, ezta?.
Udaberriak hori dakar, egun eguzkitsuak, baina baita euritsuak noizbehinka ere.
Gogoratzen duzue gelan egin genituen neguko zuhaitza, palomitekin, eta udazkeneko zuhaitza kortxoekin margotuz?. Hemen dituzue irudiak, gogoratzeko.
Ba oraingoan… udaberriko zuhaitza egitea proposatuko dizuegu.
Esan familiakoei zuhaitz baten enborra marrazteko orri batean, eta zuek apaindu nahi duzuen moduan!. Udaberrian zuhaitzak lorez betetzen dira, aukeratu zuek teknika, atzamarrekin koloretako lorak egiñez, plastilinarekin, koloretako paperekin,…
kolorez bete ditzagun gure etxeak!.
Badakigu batzuk hondartzan ere egon zaretela… baina ziur denok disfrutatu duzuela era batera edo bestera!.
Abesti honekin uzten zaituztegu, gaian gitxi-gitxika sartzen joateko….
Hondartzara joan ezin izan zaretenok, lasai!, irudimena martxan jartzeko proposamen batekin gatoz: hondartza txiki bat etxean.
Jarduera hau egiteko… entzun duzue inoiz erdarazko “mini-mundos” hitza edo “small world play” ingelesez?. Egia esan, jolas mota hau betidanik egon izan da…
Jolas mota hau, jolas sinbolikoaren barietate bat da, jolas ez-estrukturatua. Helburu irekia du, non eraikuntza jolasa, esplorazio jolasa, jolas sinbolikoa, jolas arautua… izan daitekeen, hori bai, ziur inoiz ez dela izango aurrekoaren berdina!.
Lantzen dituen gaitasunak hauek dira, beste batzuen artean:
Irudimena
Sormena
Hizkuntza, komunikazioa
Motrizitate fina
…
Hemen dituzue hondartza batzuen adibide batzuk:
Baina… begiratu zelako gauza politak egin ahal diren gai ezberdinak ukituz….
Eta umeek asko disfrutatzen dute honelako jolasekin!. Gelan ere euki ditugu inoiz eta arrakasta izan dute!.
Jolasa umearen berezko jarduera da, jarduera naturala, eta behar bihurtzen da harentzat; ezinbestekoa da hazkunde fisikoa, intelektuala, soziala eta afektiboa lortzeko.
Jolasaren bitartez, ondo pasatzeaz gain, nortasuna sendotzen doaz.
Umeak gauzak aztertzen ditu, bere pentsamenduak kanporatzen ditu, errealitatea menderatzen du, emozioak eta bulkadak azalaratzen ditu…
Emozioetaz hitz egiterakoan, gelan sarritan kontatu dugun ipuin bat aurkeztu nahi dizuegu. Ziur ezagutzen duzuela, Koloretako munstroa da. Umeei asko gustatu izan zaie beti entzutea!.
Emozio ezberdinak agertzen dira eta modu erraz batean sailkatzen ditu.
Eta orain… aipatu ditugun gai biak lotzen dituen jarduera bat proposatu nahi dizuegu.
Alde batetik, hondartza/itsasoa eta bestetik, emozioak.
Horretarako, lasaitasunaren botila edo botila sentsoriala egitera gonbidatu nahi zaituztegu!.
Lasaitasunera eramango zaituzten itsaso txiki bat sortu dezakezue botila barruan….
Zelan?, hemen duzue azalpen bideotxo bat:
Mota askotakoak izan daitezke, begira hurrengo irudietan agertzen direnak ere!.
A! Ahaztu barik! Datorren astelehenan, ekainak 8, gure Ikerren urtebetetzea da. Musu piloa berarentzat eta , noski, abesti hau ere:
Eta amaitzeko, nola ez , gure lagunek egindako gauzen bideotxoa:
orain eguenetan eukiko gaituzue hemendik, gure proposamenekin eta nola ez, gure asteko erronkarekin!.
Hala ere, blogean eukiko dituzuen jarduerez gain, gure proposamen garrantzitsuena, asko jolastea, korrika egitea, paseatzera zoaztenean gure herriko txoko ezberdinekin gozatzea , eta hau guztia zuen familiakoekin egitea da.
Badakigu denbora asko egon zaretela etxeetan, eta orain, eguzkiaz, aireaz… disfrutatu beharra duzuela, merezi duzue eta!.
Beno, orain landuko dugun hurrengo gaia aurkeztuko dizuegu: garraioak.
Gelako kotxe-zaleei asko gustatuko litzaieken gaia da hau, baina, denentzat erakargarri egiten saiatuko gara!.
Hasteko, hemen duzue Pirritx eta Porrotxen “Bide heziketaren sekretuak” kontatzen dizkigun bideotxo bat.
Eta beti bezala, gorputza mugitzeko tartetxoa!.
Beharbada… hurrengo abestia ezagunagoa duzue…
Ikastolan ere antzezten genuen eta!.
Denok trenera!, bagoaz Bilbora!!!, txu-txuuuu…..
Badakigu, semaforoaren argia berde dagoenean, lasai zeharka dezakegula bidea. Gorri dagoenean, geldi!, eta hori/laranja dagoenean?…. Kontuz!!!. 😉
OLERKIA
Pintto paseatzen ari da.
Semaforoa ikusi du.
Berdea!
Lasai-lasai pasa da.
Pintto paseatzen ari da.
Semaforoa ikusi du.
Gorria!
Kontuz, kontuz, zaude erne!
Hurrengo jardueran, ezkerra eta eskuma landuko ditugu. Zebra-bideak zeharkatzerakoan, hori egin behar da eta, ezkerrera eta eskumara begiratu!.
Ikusten duzuenez, ezkerrerantz doazen kotxeak gorriz margotu behar dituzue eta eskumarantz doazenak, urdinez.
Azken egunotan, kalera sarriago irtetzen zarete, ezta?, ba oraingoan, bertan egiteko proposamen batekin gatoz. Klarionak hartu eta marraztu bideak lurrean!.
Horrela, patinetearekin, txirrinduarekin… edo oinez, handik ibiltzeko zirkuitoa eukiko duzue!.
Eta orain…
Aste honetako erronka: semaforo-gailetak.
Ziur noiz edo noiz, familakoekin gailetak egin dituzuela…
Gurinezko gailetak dira sarri egiten direnak umeekin, hemen uzten dizuegu errezeta. 😉
Osagaiak:
Irina, 300g.
Gurina, 150g.
Azukrea, 100g.
Arrautza bat.
Lakasitoak.
Prestaketa
1. Masa egin Gurina eta azukrea irabiatu –osagaiak giro-tenperaturan egotea komeni da–. Nahastuta daudenean, arrautza gehitu eta jarraitu irabiatzen. Gehitu irinaren erdia, guztiz nahastu arte.
2. Masa film gardenarekin estali Irinaren beste erdia gehitu daukagun masari eta eskuekin nahastu. Eginda dagoela ikusiko dugu eskuetara ez denean itsasten. Film gardenarekin estali eta utzi hozkailuan ordubetez.
3. Forma eman eta egosi Labea piztu 170 gradutan. Masa arrabolaz ondo zabaldu, zentimetro erdiko lodiera emanda, eta gustuko formetan moztu moldeak erabilita. Gure kasuan, semaforo forma eman eta “lakasitoekin” semaforoari argiak ipiñi!. (nahi baduzue, txokolatezko semaforoak ere egin daitezke, argazkian ikusten den bezala).
Labeko erretiluan (bandeja) papera jarri eta gainean gaileta-masa. 15-20 minutuz egosi.
Atera labetik eta utzi erretilu batean hozten.
Zuek beste gaileta mota batzuk egiten dituzuela etxean?, ba aurrera!!!. Baina gero guri erakutsi, mesedez!.
Gelako lagun batzuk pasa dan astean zehar egindako gauzak erakutsi nahi dituzte ere, nahi duzue ikusi?
A!, galderatxo bat… Zuek ere, guk bezala, parrandarako gogoa zenuten, ezta?, jejeje….
Zenbat disfrutatu dugun arrain azokako zuen argazki eta bideoak ikusten!!!.
Zuen bizipoza isladatzen duen bideoa prestatu dugu. Hemen duzue:
Amaitzeko, esan nahi dizuegu oso gustora egon garela aste honetan zuekin bideiodeiak egiten, han, naguesien moduen ordenagailuaren aurrean jesarrita. Zelako ilusioa egin digu zuek ikusteak!
Zelan zabiltzate?, egun hauetan eguzkiaren izpiez disfrutatzen, ezta?.
Gauzatxo bat… badakizue aste honetan, gure herrian, Arrain Azoka birtuala ospatzen ari dela?. Eta esango duzue… birtuala?, zer da hori?. Ba… koronabirus hau Bermiora etorri zenetik, gauza asko ordenagailuz egin behar dira… ziur zuen familiakoak ere, ordenagailu aurrean ikusi dituzuela sarri…
Ba hori da birtuala, ordenagailu bitartez egiten diren gauzak, ekintzak,…
Aurreko urteetan, mahoia eta zapia jantzi eta kalera irteten giñen denok!. Lameran, gure herriko produktuak erakusgai eta salgai egoten ziren… musika herriko kaleetatik….
Zelako pena aurten ospatu ezin izana!. Baina…. zer moduz, guk hemen, gure txokotxoan, gure erara ospatzen badugu?, prest?.
Hasteko, arraintxo baten istorioarekin uzten dizuegu. Baina arrain hau ez zen beste arrainak bezalakoa… arrain honen ezkatak, ortzadarraren kolorekoak ziren. Hortik ipuin honen izenburua: Ortzadar arraina.
Gustatu zaizue ipuina?, ze politak diren ortzadar koloreko ezkatak, ezta?. Baina are politagoa lagun onak eukitea, ez duzue uste?.
Orain…. gorputza astintzera!!!.
Ene kantak taldearen Itsasoko arrainak abestiarekin, danok zutik eta danzatzera!.
Gure ahozko hizkuntza ere ez dugu ahaztu nahi, hori dela eta, olerkitxo bat uzten dizuegu.
OLERKIA
Boga, boga
marinelak,
batela boga,
itsasoan boga
boga, marinelak.
Itxasoko animalien artean, denok ezagutzen dugun olagarroa dago, guretzat amorrotza!!!.
Guk gureak egin ditugu!. Zuek animatzen zarete?.
Gogoratu, gaur eguena dela eta gure asteko erronka dakargula!.
Aste honetan parrandan joateko gogoa daukagunez, Arrain Azoka etxean ospatuko dugu. Beraz, mahoiak jantzi eta argazkiak edo bideoak ( dantzan… ) bidaltzea eskatzera gatoz. Zuek ikusteko irrikitan gaude!.
Baina baten batek, arrain azokarekin lotuta, beste mota bateko argazkiak bidali nahi badizkigu, pozik hartuko ditugu horiek ere!.
Gu prest gaude!!
Eta nola ez, hemen uzten dizuegu aurreko erronkaren bideoa!, lan bikaina egin duzue!. Buruhandiak aipatzerakoan… jaia ez datortsue burura?, jajaja….
Ba hemen duzue gure herriko jaietako abestia!!!. Danok kalera!!! (baimendutako orduetan, noski 😉 )
Hurrengo astean ikusiko dugu berriro elkar!.
Bitartean, hartu gure besarkada eta parrandarako gogoa!, jejeje…
Egun on denoi! Zelan asteburua? Eguraldi ederra aprobetxatu duzue? Barraskilo asko aurkitu dituzue? Seguru baietz, batzuk guk ere ikusi ditugu…
Azken sarreran erraldoiei buruz ikasi genuen, baita gure erraldoiak egin ere ( ze politak egin dituzuen!).
Ba gaur, justu kontrakoa dakargu: txiki-txikia zen ume baten ipuina.
Badakizue nor dan? Pista bat: Tatxin-tatxin-tatxan…. Bai! Barbantxo da!.
Eta zuek, menditik paseatzera irtetzen zaretenean, zein abesti kantatzen duzue? Hemen duzue hain ezaguna den eta hainbat umek urteetan abestu izan duten bat, ezagutzen duzue?, beharbada amak eta aitak bai….
Orain garbantxuekin (edo ikastolako menuetan jartzen dizkiguten moduan, txitxirioekin… gogoratzen duzue?, jeje…) jolastuko dugu.
Garbantzu horiekin, izenak eratu, marrazkiak egin… ondoren, material hau trasbaseak egiteko ere erabil dezakezue. Jarduera honekin, kontzentrazioa, aditasuna eta koordinazioa landuko ditugu.
Eta nahi izanez gero, matematiketan ere murgil gaitezke. Horretarako, arrautza-ontzi bat hartu eta ondoko irudian agertzen den bezala, jolastu!.
Amaitzeko, begira zelako argazki politak bidali dizkiguten gure lagun batzuk…
Beno lagunak, zaindu eta besarkada handi bat jaso gure partez!!
Zer moduz ibili zarete barraskilo artean?, aurkitu duzue baten bat?, edo… beharbada… zuek egin duzue zuen eskutxoekin!.
Ba… begira begira hurrengo bideoa!, guk ere barraskiloak nahi genituen!.
Beno ba, hor duzue motrizitate fina lantzeko beste proposamen bat, indaba, garbantzu edo lentejekin egiteko… Platertxo batean espiral bat marraztu eta… barraskiloaren oskola egingo dugu!.
Eta orain… gogoratzen duzue Azenario erraldoiaren ipuina?. Hazi batetik, azenario handi-handia hazi zen Anderren aitonaren baratzean… erraldoia!.
Ba, hitz honekin jarraituz, zuei asko gustatzen zaizuen abesti batekin hasiko gara!, ikastolan ere entzun dugu inoiz, ezta?. Erraldoiak!.
Eta… zuek ezagutzen al duzue erraldoirik?, bai?, noski!, Bermeoko erraldoiak!!!. Inork daki zelan duten izena?.
Anton
Josefi
Lorentzo
Mari
Bai, arrantzalea Anton , saregina Josefin eta baserritarrak Lorentzo eta Mari dira.
Ea uda honetan kalera irtetzen diren… eta beraien dantzak ikusteko aukera dugun!.
Eta… zuen izenak?, ezagutzen al dituzue?, badakizue zuen izeneko lehenengo hizkia zein den?.
Hemen duzue beste material baten proposamena, hizkiekin jolasteko. Etxeko pintzetan hizkiak idatzi eta bakoitzak bere izena osatu!.
Entzun… badakizue egun batean Bermeoko erraldoiak gure ikastolan egon zirena?. Ikusi bideoa!.
Ikastola egunean guk ere egin genuen hor dantza!, gogoratzen duzue?.
Eta orain…. aste honetako Erronka!!!.
Gure herriko erraldoiekin, buruhandiak joaten dira, ezta?. Ba gu ere buruhandi bihurtuko gara!.
Gogoratzen duzue martitzenean kaxa bat gordetzeko esan genizuena?, ba honetarako zen, jejeje…
Betiko moduan, guk adibide batzuk jartzen dizkizuegu behean, baina, hemen zuen irudimenak du protagonismoa!. Gustora ikusiko ditugu gure “buruhanditxoak”!.
Amaitzeko, hemen duzue aurreko asteko erronkaren bideoa.
zer moduz joan da asteburua?, eman dituzue paseotxoak?, txirrinduak, patiñeteak, baloiak,… atera dituzue?.
Gu ere irten gara udaberriaz gozatzera… eta badakizue zer ikusi dugun landare artean?, barraskilo piloa!, zuek ere bai?.
Badakizue barraskiloek, beraiekaz daramatela etxea leku guztietara…
Ba… begira begira, hurrengo ipuin honek, barraskilo familia baten istorioa kontatzen digu, ea gustatzen zaizuen!.
Eta orain, beti bezala, denok gorputza astintzera!.
Hemen duzue barraskiloaren abestia, esan ama eta aitari zuekin dantzatu eta abesteko, hartu mikrofonoak eta karaokera!!!, jeje…
Gogoratzen duzue trazoak egiteko proposatu genizuena aurreko sarrera batean?. Kaxa batean gatza edo ogi birrindua (edo hondartzara joan ezkero, hondartzako area) ipiñi, eta trazoak praktikatuko ditugu!.
Oraingoan, barraskilo moduko trazoak egiten saiatuko gara, espiralak.
Berriro “mazamorretara”!!!. (gogoratu aurrekoan esandakoa, lurrera jausten dena, beraiek ere garbitzen parte har dezatela).
Eta orain, ipuina antzezteko, gure barraskilo txikia egingo dugu. Animatzen zarete?. Ziur oso polita geratuko dela!.
Hemen eredu batzuk aurkezten dizkizuegu, baina dakizuen bezala, zuek nahi duzuen erara egin dezakezue.
Zuen paseotxoren batean… hartu barraskiloren bat, sartu kutxatxo batean, gardena bada hobeto. Kontuan izan kutxak zulotxoak euki behar dituela, barraskiloak arnasa har dezan. Sartu bertan lurra, belarra, letxuga apur bat, azenario zati txikiak,… eta behatu… ea zer egiten duen gure barraskilotxoak, behatu ondo zelakoak diren bere antenak, bere oskola…. Eta gero, kontatu guri!!!.
Eta amaitzeko, zuek bialdutako azken aste honetako argazkien bideoa uzten dizuegu. Guk gustora ikusten zaituztegu zuen zeregiñetan murgilduta, ziur zuei ere laguntxoak ikustea gustatzen zaizuela, ezta?.
Beti bezala, eskerrik asko familia, zuen umetxoen argazkiak gurekin partekatzeagatik!!!.
Ai ama! Ia-ia ahaztu! Hurrengo erronkarako hasi kaxa bat topaten… Eguenean ulertuko duzue zertarako den. (kaxaren tamaina… umearen burua sartzeko modukoa izan behar da… baina ez goaz ezer gehiago esaten… jeje).
Zer moduz doa astea?, egun eguzkitxuak ditugu, ezta?, gure irtenaldi txikitxoak egiteko primeran!!!.
Ikusi dituzue bitxiloreak, erleak, tximeletak…?, entzun dituzue txoritxoak?. Udaberria heldu da!!!.
Gure barazkien gaiarekin jarraitzeko, hemen uzten dizuegu Sorgina txirulinaren ipuintxo bat.
Dakizuenez, gure frutak eta barazkiak osasuntsu hazteko, 3 gauza behar dituzte… gogoratzen dituzue?…. Bai?
Lurra Ura Eguzkia
Ba , orain sekretotxu bat kontatuko dizuegu……..
Guk , Euskal Herrian, badaukagu Jainkosa bat : Amalur. Diotenez, eguzkiaren eta ilargiaren ama da, eta landare eta animalien bizia zaintzen du. Ze polita, ezta?.
Ba orain, Amalurrari eskerrak emateko, zuek ezagutzen duzuen kanta polit hau abestuko diogu. Animatu dantzatera!!!.
Hara! Begira nor agertu den hemendik! Ia.. entzun dezagun zer behar duen gure lagun berri honek:
Eta orain…. aste honetako ERRONKA!!!.
Barazkiekin konposizio bat egitera gonbidatzen zaituztegu!.
Erronka honen helburua, umeek barazkiak esku artean ibiltzea da. Haiek ukitu, usaindu, dastatu,… eta zuen begiradapean, ebaki ere bai!.
Guzti hau egin ostean, plater batean edo nahi duzuen lekuan, irudimena martxan jarri!.
Behean, adibide batzuk ipiñi dizkizuegu, baina sortzen duzuen konposizioa zuen aukeran uzten dugu, aurpegiak, paisaiak,… nahi duzuena!, guk gustora ikusiko ditugu!. Animatu!.
Eta amaitzeko, pasa den asteko erronkaren bideoa uzten dizuegu. Oiloen zikloa egiten ondo pasatu duzue?, espero dugu baietz!.
Guri ilusio handia egiten digu zuen aurpegitxoak ikustea!, horrekin disfrutatzen dugu guk…
Eskerrik asko erronketan parte hartzen ari zareten guraso guztioi!. Zuek barik, hau ez lizateke posible izango!.
Eta orain… begira, begira!, kanpoko tximeletak etorri zaizkigu bisitan andereñoei….
Baratzeetan, txoriek barazki eta fruituak jan ez ditzaten, baserritarrek txorimaloak jartzen dituzte.
Badakizue zer den txorimalo bat?, egingo diogu bat gure landareari?. Horrela, zuen balkoietara hurbiltzen diren txoritxoek, ez dute zuen landarea jango!.
(margotu eta izozki palo batean itsatsi, gero gure landarearen ondoan jartzeko)
Txorimaloarena egin nahi duzue?. Entzun zelako abesti alaia aurkitu dugun. Txalo horiek entzun nahi ditugu!.
Eta orain baserritar bihurtuko gara. Lehen esan dugun bezala, aurreko batean haziak erein genituen. Ba ikusi zer egin dezakegun azenario batekin….
Azenarioak landatuko ditugu :
Azenarioak erosiko ditugu, baina osorik, zurtoin, hosto eta guzti. Ondoren, nahi badugu sustraiaren (zati laranjaren) pusketarik handiena moztuko dugu, zuritu eta haurren artean banatuko dugu jan dezaten. Bide batez, azenarioaren zaporeaz, gozotasunaz, duen zukuaz… hitz egingo dugu. Zurtoinarekin batera geratu zaigun sustrai zatia landatu egingo dugu, lurrez, ibaiko hareaz eta hartxintxar pixka batez egindako nahasketabatean. Horiek lortzeko zailtasunak baditugu, lur gozoan landatuko dugu loreontzi zapal batean. Toki argitsu eta epel batean kokatu, eta laster ikusiko dugu nola hazten eta indartzen diren hostoak.
Astindu garunak, lagunak! Ia asmatzen duzuen zer den…..
ASMAKIZUNA
Untxiek atsegin dute jatea,
etxea du baratzea, eta ez da azalorea.
Behea laranja, goia berdea,
begiak zaintzen trebea. Zer da?.
(azenarioa)
Barazkiak normalean jan egiten ditugu, ezta?, ba oraingoan, margotzeko erabiliko ditugu!, bai, bai, margotzeko!, ondo entzun duzue!.
Ebaki barazkiak erditik, koloreak plateretan eta… sortu zuen artelanak!!!.
Ai ama! Zuen laguntza behar dugu! Gure amak erosketak egiteko esan digu baina bidetik, salto-saltoka goazela, boltsa apurtu eta danak erori dira. Lagunduko diguzu zenbatzen ia denak dauden?.
Eta amaitzeko, begira gure lagunak zertan ibili diren aste honetan:
Negar da barre txise bolue 